Styrkleikarnir á Úlfarsfelli
Á Styrkleikunum tökum við höndum saman og sýnum þeim sem greinst hafa með krabbamein stuðning. Einstaklingar skrá sig í lið sem skiptist á að ganga, skokka eða hlaupa fyrirfram skilgreinda leið í heilan sólarhring sem er táknrænt fyrir það að krabbamein tekur ekki pásu. Því stöndum við saman í heilan sólarhring. Styrkleikarnir eru fjölskylduviðburður og því verður eitthvað um að vera fyrir alla aldurshópa yfir daginn.
Styrkleikarnir á Úlfarsfelli fara fram 12.-13. október og eru heill sólahringur af samstöðu og samkennd þar sem öllum gefst tækifæri á að sýna stuðning sinn í verki við þá sem greinst hafa með krabbamein og aðstandendur þeirra. Styrkleikarnir fara þannig fram að þátttakendur skiptast á að ganga í heilan sólarhring, sem er táknrænt fyrir að það fæst engin hvíld frá krabbameini, fólk sem tekst á við krabbamein gerir það allan sólarhringinn.
Ljósastund
Klukkan 20:00 á laugardagskvöldið hvetjum við sem flesta til að sameinast í að ganga saman hring til stuðnings þeim sem greinst hafa með krabbamein á lífsleiðinni. Þegar upp á Úlfarsfell er komið munum við kveikja á kertum sem þátttakendur geta keypt til stuðnings Krabbameinsfélagsins og skreytt með kveðjum til að minnast þeirra sem fallið hafa frá og þakkað fyrir þau sem eru enn með okkur.
Ekki láta þig vanta á Styrkleikunum!
Við hlökkum til að sjá ykkur!
Áheitasíður
Lið
Styrktarsíður